Կրկնակի արդյունավետություն նոր կոմպրեսորների օգտագործման արդյունքում

«ԳԱՕՄ Գրուպ» ընկերությունը Երևանում գտնվող ավտոգազալիցքավորման կայաններում վաճառում է բնական գազ: Ընկերությունը տարեկան մատուցելով միջինում  6 մլն խորանարդ մետր սեղմված բնական գազ՝ հանդիսանում է տարածաշրջանում ամենամեծ մատակարարներից մեկը:

Շահագործվող կոմպրեսացման սարքավորումը հին էր և գազի սեղման գործընթացը երկու փուլից էր բաղկացած: Իսկ կոմպրեսացման սարքավորման սառեցման համար ընկերությունը սպառում էր 1,850 ՄՎտժ էլեկտրաէներգիա: Գումար և էներգիա խնայելու նպատակով, ընկերությունը դիմել է GEFF-ի ֆինանսավորման՝ փոխարինելու առկա սարքավորումը նոր՝ առավել արդյունավետ սարքավորումով:

Մի շարք մատակարարներ ուսումնասիրելուց հետո, ընտրությունը կանգ է առել իտալական արտադրողի վրա, որը մի քանի հին կոմպրեսորների փոխարեն կմատակարարի մեկ նոր սարքավորում, ինչը  գազի մշակումը կիրականացնի մեկ փուլով և ավելի բարձր ճնշման ցուցանիշով (35 ՄՊա):

215,000 ԱՄՆ դոլարի ներդրումների արդյունքում, ընկերությունը գրանցել է 850 ՄՎտժ էներգախնայողություն, ինչը համարժեք է տարեկան 67,000 ԱՄՆ դոլարի տնտեսման՝ ընթացիկ էներգասպառման 46%-ի չափով: Էներգախնայողության արդյունքում, ներդրման հետգնման ժամկետը կկազմի մինչև 4 տարի, հետագա տարիների համար ստեղծելով հավելյալ եկամուտ ընկերության համար:

Այս նախագիծը ապացուցում է, թե ինչպես արտադրական գործընթացներում կատարված ներդրումներն անխուսափելիորեն հանգեցնում են ավելի բարձր էներգիաարդյունավետության և ծախսերի նվազեցման, ինչանչափ կարևոր է բիզնեսի կայունության համար: ՎԶԵԲ-ը նման լուծումներով է նպաստում մասնավոր սեկտորում իրականացվող կայուն էներգաարդյունավետ նախագծերի ֆինանսավորմանն ու կյանքի կոչմանը: Պետական, մասնավոր և բնակարանային ոլորտների համատեղ ջանքերի շնորհիվ կարելի է հասնել էներգասպառման ծավալների փոփության և նպաստել շրջակա միջավայրի պաշտպանությանը:

Ծրագրի իրականացմանն աջակցել են Եվրոպական Միությունը և Ավստրիայի Դաշնային ֆինանսների նախարարությունը: