Հայկական «Հիտեքս պլաստիկ» ՓԲԸ-ն և դրա վրացական «Ալֆա պետ» ՍՊԸ դուստր ձեռնարկությունը համարվում են Հայաստանում և Վրաստանում գործող պլաստմասե տարաների և շշերի նախատիպեր արտադրող ամենամեծ ընկերությունները:
Ընկերությունը որոշում է կայացրել ներդրումներն ուղղել Հայաստանում շուրջ 20 տարվա արտադրական հոսքագծի փոխարինմանը, որը բացառապես շահագործվում էր Վրանստան արտահանվող շշերի նախատիպերի արտադրման համար: Նոր հոսքագիծը պետք է շահագործվեր Վրաստանում, որի համար GEFF-ին ֆինանսավորման հայտ էր ներկայացվել: GEFF-ի ծրագրային թիմի անդամները վերլուծել են ներդրման տարբեր ասպեկտները, նախևառաջ էներգախնայողության ներուժը, ինչպես նաև ֆինանսատեխնիկական պարամետրերը:
Նախագծի համաձայն, ձեռք է բերվել նոր հոսքագիծ («Husky HyPET 120»), որը տեղադրվել է հենց Վրաստանում: 930,000 ԱՄՆ դոլարի ներդրման արդյունքում ընկերությունը կարողացել է նվազեցնել էներգիայի հետ կապված ծախսերը տարեկան 125,000 ԱՄՆ դոլարի չափով: Արդյունքում, ներդրման հետգնման ժամկետը 7.5 տարի է՝ հետագա տարիներին ընկերության համար համար գոյացնելով հավելյալ եկամուտ: Խնայողությունները ձեռք են բերվել արտադրական գործընթացներում էլեկտրաէներգայի և վառելիքի սպառման ծավալների նվազեցման արդյունքում: Ավելին, ընկերությունը շահում է նաև միջպետական փոխադրումների և այլ հարակից ծախսերի խնայողության հարցում:
Սա փայլուն օրինակ է, թե ինչպես նոր տեխնոլոգիաների կիրառումը կարող է հանգեցնել տարբեր ոլորտներում գործող և տարբեր արտադրական տեսակներ ունեցող ընկերությունների էներգախնայողության ապահովմանը, ի հավելում արտադրական գործընթացներում առաջացող օգուտներին: Այդ պատճառով, շատ կարևոր է, մինչ ներդրման որոշում կայացնելը, բացահայտել էներգախնայողության ողջ ներուժը, քանի որ շատ հաճախ հենց էներգաարդյունավետ ներդրումներն են, որ ամենաշահութաբերն են:
Այսպիսով, ՎԶԵԲ-ը GEFF-ի միջոցով նպաստում է մասնավոր սեկտորում իրականացվող կայուն էներգաարդյունավետ նախագծերի ֆինանսավորմանն ու կյանքի կոչմանը: Պետական, մասնավոր և բնակարանային ոլորտների համատեղ ջանքերի շնորհիվ կարելի է հասնել էներգասպառման ծավալների կրճատման ու նպաստել շրջակա միջավայրի պաշտպանությանը:
Ծրագրի իրականացմանն աջակցել են Եվրոպական Միությունը և Ավստրիայի Դաշնային ֆինանսների նախարարությունը: