Մեծ ներդրումներ, մեծ տնտեսումների համար
Էներգասպառման բարձր ծախսերը ամենամեծ բեռն էին «Այլընտրանքային էներգիա» ՍՊԸ-ի համար, որը , Երևանից 10կմ հեռավորության վրա գտնվող Ձորաղբյուր գյուղում զբաղվում է բանջարեղենի ջերմոցային աճեցմամբ: 4.5հա ընդհանուր ծավալով ջերմոցային տնտեսությունում ընկերությունն արտադրում է տարեկան 4,500 տոննա լոլիկ և վարունգ, հիմնականում՝ ներքին շուկայում սպառման նպատակով:
Ընդհանուր առմամբ, ապակյա առաստաղով ջերմոցներում անհրաժեշտ բարձր ջերմաստիճանն ապահովելու համար սպառվում է մեծ ծավալի էներգիա: Ծախս-եկամուտ հարաբերակցությունը բարելավելու նպատակով, ընկերությունը որոշում կայացրեց ներդրումներ կատարել գերժամանակակից ջերմոց ունենալու համար և դիմեց GEFF-ին՝ ծրագրի իրականացման ֆինանսավորում և խորհրդատվություն ստանալու համար:
GEFF-ի ծրագրային թիմի անդամները վերլուծեցին ներդրման տարբեր ասպեկտները, էներգախնայողության հնարավորությունները, ինչպես նաև ներդրման ֆինանսատեխնիկական պարամետրերը:
Նախագծի համաձայն, պլանավորվում էր գնել էներգախնայող ստվերային էկրաններ, կաթսաներ, ավտոմատացված կառավարման համակարգ ջերմոցային տնտեսության շահագործման ամբողջ ցիկլի համար, ինչպես նաև ստանալ ծրագրի իրականացման վերաբերյալ խորհրդատվություն:
2.3 միլիոն ԱՄՆ դոլարի ներդրումը «Այլընտրանքային էներգիա» ընկերությանը ապահովել է տարեկան 404,000 ԱՄՆ դոլարին համարժեք ծախսերի տնտեսում, որն առաջացել է սպառվող էներգայի մինչև 60%-ի կրճատման շնորհիվ: Էներգախնայողության արդյունքում, ներդրման հետգնման ժամկետը 6 տարի է, ընկերության համար ստեղծելով հավելյալ եկամուտ հետագա տարիների համար:
Եվ վերջում, կարևոր է նշել, որ իրականացված ծրագիրը հնարավորություն տվեց ընկերությանն արտադրված ապրանքի արժեքը պահպանել ցածր մակարդակում, ինչը նպաստավոր է ընկերության ոչ միայն մրցունակության առումով, այլ նաև բնակչության համար՝ ապահովելով ոչ սեզոնային բանջարեղենի հասանելիությունը:
Ծրագրի իրականացմանն աջակցել են Եվրոպական Միությունը և Ավստրիայի Դաշնային ֆինանսների նախարարությունը: