Նոր արտադրական սարքավորումների ներդրման շնորհիվ հայաստանյան կաթնամթերք արտադրող ընկերությունը բարձրացրել է իր գործառնական արդյունավետությունը, խթանել արտադրողականությունն ու դարձել էկոլոգիապես ավելի մաքուր:
2000թ.-ին հիմնադրված «Միլլկաթ» ՍՊԸ-ն շուկայում հայտնի է իր Էլնոր ապրանքանիշով որպես բազմատեսակ կաթնամթերք արտադրող ընկերություն:
Կարագ և սփրեդ արտադրող հին սարքավորման արտադրողականությունը` 1000 կգ/ժ, չէր բավարարում ընկերության արտադրական ծավալի ցանկալի մակարդակը: Ուստի, ընկերության ղեկավարությունը որոշում կայացրեց փոխարինել սարքավորումը նոր մոդելով` 2000 կգ/ժ, առավել մեծ արտադրողականություն ունենալու համար: Միաժամանակ, ի տարբերություն հին սարքավորման, որը ուներ պաստերիզացման առանձին բաժին, նոր սարքավորման համար այն չի պահանջվում, քանի որ արդեն ինտեգրված է համակարգի մեջ, ունի սպրեդի արտադրման շերտավոր սարք, որը շահագործվում է վերականգնվող ջերմությամբ և սպառում է 40%-ով պակաս սառցե ջուր և 50% պակաս գոլորշի:
Ընկերության համար GEFF թիմը անվճար հիմունքներով անցկացրեց տեխնիկական գնահատում, որի արդյունքում գործընկեր ֆինանսական կազմակերպությունը հաստատեց և ֆինանսավորեց հաճախորդի նախաձեռնությունը:
140,000 ԱՄՆ դոլարի ներդրումը` Molmash սարքը, ընկերությանը հնարավորություն կտա տարեկան 496 ՄՎտ էներգախնայողության արդյունքում խնայել 18,000 ԱՄՆ դոլար: Ավելին, ընկերության գործունեությունը կնպաստի տարեկան 127 տոննա CO2 արտանետումների նվազեցմանը:
«Էներգաարդյունավետության տեսանկյունից, ընտրված տեխնոլոգիան ոչ միայն արդյունավետ է, այլև` ավելի մաքուր և երկարակյաց, շահագործման ժամերը շատ են, իսկ պահպանման ծախսերը` քիչ», նշեց ընկերության տնօրեն, պրն. Սեդրակ Հակոբյանը:
Ծրագրի իրականացմանն աջակցել են Կանաչ Կլիմայի Հիմնադրամ (GCF) և Կլիմայի Ներդրումային Ֆոնդերը (CIF):
Supported by
