Ռեսուրսների խնայողությանն ու բարձր էներգաարդյունավետությանը նպաստելուց բացի, կանաչ ներդրումները ապահովում են բարձր հուսալիություն
2002թ․ հիմնադրված «Թամարա Ֆրութ» ՍՊԸ-ն հանդիսանում է Հայաստանում հյութերի, կոմպոտների, խտանյութերի, ջեմերի արտադրության խոշորագույն ընկերություններից մեկը: Այն նաև հանրապետության առաջին ձեռնարկություններից է, որ սկսեց արտադրել խորը սառեցված մրգեր և բանջարեղեն, ինչպես նաև օրգանական սնունդ: Ներքին սպառումից բացի, ընկերության արտադրանքn արտահանվում է դեպի Ռուսաստան, ԱՄՆ, Մեծ Բրիտանիա, ԵՄ, Իսրայել և ԱՄԷ:
Սառնարանային համակարգի 17 տարի շահագործումից հետո, այն դարձել էր ոչ միայն անհուսալի այլև ծախսատար՝ առաջացնելով էներգիայի բարձր ծախսեր: Դա էր պատճառը, որ ընկերության ղեկավարությունը որոշեց ամոնիակի գազով գործող համակարգը փոխարինել ժամանակակից` ֆրեոն գազով աշխատող համակարգով: «Թամարա Ֆրութ» ՍՊԸ-ն Ֆինանսական լուծում գտնելու նպատակով դիմեց բանկին, նաև ստացավ GEFF-ի թիմի կողմից իրականացվող անվճար տեխնիկական գնահատման ծառայություն:
39,300 ԱՄՆ դոլարի ներդրումը` R404A սառնագենտով շահագործվող կենտրոնացված նոր սառնարանային համակարգը, ընկերությանը հնարավորություն կտա տարեկան խնայել 84ՄՎտժ էլեկտրաէներգիա և 1,895մ3 ջուր, արդյունքում տնտեսել 6,070 ԱՄՆ դոլար և նպաստել 37 տոննա CO2 արտանետումների նվազեցման: Բացի այդ հին սարքավորումը տարածքից հեռացնելուց հետո, տարածքը հնարավոր կլինի օգտագործել այլ նպատակների համար: Ֆրեոն գազով աշխատող սարքի տեղադրումից հետո, ամոնիակի գազով սարքավորումը ապամոնտաժվելու ու հեռացվելու միջոցով` կբացառվի գազի արտահոսքը կամ հավանական վթարի դեպքում աշխատակիցների վնասվածքներ ստանալու ռիսկը:
«Մեր բիզնեսի համար էներգաարդյունավետ ներդրումներն ավելի շահավետ են, քան կարելի էր կարծել առաջին հայացքից, քանի որ խնայողություններից բացի, դրանք ունենում են նաև բազում կողմնակի դրական հետևանքներ», ասում է ընկերության տնօրեն պրն. Բորիս Հովհաննիսյանը:
Ծրագրի իրականացմանն աջակցել են Կանաչ Կլիմայի Հիմնադրամ (GCF) և Կլիմայի Ներդրումային Ֆոնդերը (CIF):
Supported by
