Դեկորա-Գրուպն արդեն 20 տարի ներգրավված է վերանորոգման և կահավորման իրերի վաճառքների ոլորտում։
Վերջին հինգ տարիներին ընկերությունն արագորեն ընդլայնվեց՝ բացելով նոր ցուցասրահներ, ընդլայնելով պահեստային տարածքները և ձեռք բերելով նոր սարքավորումներ: Միթե՞ լավագույն ժամանակը չէր դիզելայինից էլեկտրական ամբարձիչներին անցնելու:
Հին ամբարձիչները շատ արտանետումներ էին առաջացնում, վնասակար էին աշխատակիցների առողջության համար և ծախսատար էին: Դեկորա-Գրուպը ֆինանսավորման համար դիմեց GEFF-ի գործընկեր ֆինանսական հաստատությանը: Գնված էլեկտրական բեռնատարները ոչ միայն ավելի էներգաարդյունավետ են, այլև պակաս ծախսատար:
111,000 ԱՄՆ դոլարի ներդրումը հնարավորություն է ընձեռում տարեկան մինչև 515 ՄՎտժ էներգախնայողության և 121 տոննա CO2-ի կրճատման: Ոչ միայն խնայողություններն են արժևորում այս ներդրումը, այլև հարմարավետության մակարդակը: Դրանցից օգտվող աշխատակիցները բարձր են գնահատում դրանց շարժունակությունը, ֆունկցիոնալ հատկություններն ու զրոյական արտանետումներով աշխատանքը:
«Էլեկտրաէներգիայի սպառման տեսանկյունից պակաս ծախսատար նոր սերնդի էլեկտրական ամբարձիչներ ձեռք բերելու համար որոշվեց համագործակցել ՎԶԵԲ-ի GEFF ծրագրի հետ։ Այնուհետև տեղադրեցինք արևային ՖՎ համակարգ։ Այժմ մենք էլեկտրաէներգիա ենք արտադրում մեր սպառման համար։ Էլեկտրական ամբարձիչների և արևային ՖՎ համակարգի օգտագործումը դրականորեն են անդրադառնում աշխատակիցների ինքնազգացողության վրա և զգալիորեն կրճատում են ընկերության ծախսերը»,- ասում է կազմակերպության ֆինանսական տնօրեն պրն Գոռ Ներսիսյանը։
Ծրագրի իրականացմանն աջակցել են Կանաչ Կլիմայի Հիմնադրամը (GCF) և Կլիմայի Ներդրումային Ֆոնդերը (CIF):