Էներգաարդյունավետ սարքավորումները հնարավորություն ընձեռեցին «Մասիսի թռչնաբուծական ֆաբրիկային» կրճատել էլեկտրաէներգիայի սպառման ծախսերը և բոլոր ջանքերը կենտրոնացնել բիզնեսի զարգացման վրա:
Թռչնաբուծարանը տեղակայված է երկրի կենտրոնական մարզերից մեկում և տեղական սարքավորումներով էր արտադրում ձվի տարաները: Արտադրական կարիքները բավարարելու նպատակով, հաճախ ընկերությունը Վրաստանից էր ներմուծում ձվի պատրաստի տարաները, ինչը ծախսատար էր և գործառնական տեսանկյունից բարդություններ առաջացնող:
Թռչնաբուծարանը որոշում կայացրեց ավելացնել արդյունավետությունը՝ կրճատել էներգասպառումը և ներդրում կատարել բարձր արտադրողականությամբ հոսքագծերի ձեռք բերման համար՝ կիրառելով ձվի տարաներ արտադրող էներգաարդյունավետ հոսքագիծ:
Տեղական ֆինանսական հաստատության թիմն իրականացրեց ներդրումային նախագծի վերլուծությունը, գնահատեց էներգախնայողության պոտենցիալ օգուտները և ֆինանսատեխնիկական պարամետրերը:
172,000 ԱՄՆ դոլար ներդրումը հնարավորություն տվեց ընկերությանը 50%-ով նվազեցնել էներգասպառումը:
Նոր սարքավորումը ոչ միայն թույլ տվեց գրանցել ածխաթթու գազի կրճատում, այլ նաև շոշափելի կերպով նպաստեց, որ բիզնեսն աճի:
«Առանց այս ներդրման, ընկերության համար դժվար կլիներ զարգացնել ու ունենալ կայուն բիզնես», իր խոսքում նշում է տնօրեն՝ Աշոտ Մաթևոսյանը:
Ծրագրի իրականացմանն աջակցել են Եվրոպական Միությունը և Ավստրիայի Դաշնային ֆինանսների նախարարությունը:
Supported by
