«Արթիկի ՓՀԿ» ՍՊԸ-ն վերամշակման եզակի բիզնես է, որը հիմնադրվել է Հայաստանում 2008թ.: Ընկերության հիմնական գործառույթն է տեքստիլի վերամշակումը. արտասահմանյան խոշոր տեքստիլ արտադրողներից կտորի մնացորդներ ներմուծել և դրանք վերածել մանրաթելի, որը հետագայում կարող է օգտագործվել հենց այդպես կամ վերամշակված մանվածքի տեսքով:
Իր շահագործման երկարաժամկետ արդյունավետությանն ու կայունությանը նպաստելու և էկոլոգիապես ավելի «մաքուր» դառնալու նպատակով՝ ղեկավարությունը որոշեց օգտագործել իր տարածքի հնարավորությունները՝ արևային էներգիայի միջոցով սեփական էներգիայի աղբյուրը կառուցելու համար:
Հաշվի առնելով տարածաշրջանի կլիմայական խստությունը՝ չափազանց ցուրտ ձմեռներով և շոգ ամառներով, ընկերութունը ներդրեց 545,7 կՎտ հզորությամբ միաբյուրեղ վահանակներով կառուցված արևային ՖՎ կայան տանիքում, որը բարձր արդյունավետություն ունի: Ընկերությունը տեխնոլոգիան ընտրեց ՎԶԵԲ-ի Կանաչ տեխնոլոգիաների ցանկ առցանց կատալոգից՝ ապահովելով ամենահարմար պարամետրերը գտնվելու վայրին համապատասխան և ընկերության կարիքները բավարարող:
288,500 ԱՄՆ դոլարի ներդրումը ետ կգնվի վեց տարվա ընթացքում: Այն կնպաստի ծախսերի կայուն կրճատմանը և տարեկան 173 տոննա CO2 արտանետումների նվազմանը։
«Այսօր մենք շատ ուրախ ենք «սնուցել» մեր կանաչ գործառնությունները կանաչ էներգիայով, քանի որ մեր արտադրության 70%-ն այժմ իրականացվում է արևային էներգիայով: Մենք տարեկան արտադրում ենք մոտ 700 ՄՎտժ կանաչ էներգիա, Էժանացնելով մեր արտադրանքը՝ մենք ավելի մրցունակ ենք դառնում»։
Ծրագրի իրականացմանն աջակցել են Կանաչ Կլիմայի Հիմնադրամը (GCF) և Կլիմայի Ներդրումային Ֆոնդերը (CIF):
Supported by
