Ақмола облысындағы алқаптар үшін жаңа астық жинау техникасы
«Шаңырақ-Р» ЖШС Ақмола облысында 2003 жылдан бері бидай өсірумен айналысады. Жалпы егіс алқабы 50 мың гектарды құрайды. Компания соңғы бірнеше жылда егін жинау үшін айналмалы астық жинайтын комбайндарды пайдаланды, бірақ олардың біртіндеп тозуы жиі бұзылуларға және техникалық қызмет көрсету мен жөндеуге кететін жоғары шығындарға әкелді.
Компания басшылығы техниканы жаңартып, әйгілі американдық брендтің барабанды, астық жинайтын комбайнын сатып алуға қаражат салу туралы шешім қабылдады. Тәжірибе көрсеткендей, басқа өндірушілермен салыстырғанда, дәл осы брендтің модельдері егін жинаудың жоғары жылдамдығы мен сапасын көрсетіп қана қоймай, сонымен қатар олар пайдалануға оңай және көп жөндеуді қажет етпеді.
Компания бірнеше рет несиелік қаражат есебінен ауылшаруашылық техникасын сатып алды. Алайда, бұл жолы қаржыландыруды алу барысында компания басшысы менеджерден ЕҚДБ-дан GEFF жасыл экономиканы қаржыландыру бағдарламалары шеңберінде «Центр Кредит Банкі» АҚ еншілес компаниясы «Center Leasing» ЖШС-нен энергиялық тиімді техниканы лизингке сатып алуға болатынын анықтап білді. Бұл ұсыныс оны қатты қызықтырды және компания комбайн, орақ және астық жинайтын құрал сатып алу туралы шешім қабылдады. Бағдарлама талаптарына сәйкес, егер техника Жасыл Технология Селекторлары сайтында тіркелген болса, онда ол талаптарға сәйкес келеді және оны GEFF бағдарламасы арқылы қаржыландыруға болады. Таңдалған брендтің комбайнының моделі жоғарыда аталған сайтта тіркелген, сондықтан барлық қажетті құжаттарды дайындау көп уақытты қажет етпеді және қаржыландыруды мақұлдау процесін едәуір жеңілдетті.
«Біз егін жинау мерзімін қысқарту жөніндегі талаптарымызға сәйкес келетін сапалы, энергиялық тиімді техниканы сатып алғанымызға өте риза болдық. Сонымен қатар, оны пайдалану оңай және өте тиімді», – деп бөлісті компания басшысы.
Жоба Жаһандық экологиялық қор (ЖЭҚ) және Австрияның Федералды қаржы министрлігінің қолдауымен жүзеге асырылды.
Supported by:
