Programi kreditor

Programi Kreditor për Financimin e Ekonomisë së Gjelbër (GEFF) i Bankës Europiane për Rindërtim dhe Zhvillim në Ballkanin Perëndimor siguron financim për sektorin e banimit si dhe për bizneset që ofrojnë produkte të efiçensës së energjisë, produkte të energjisë së ripërtëritshme si dhe shërbime për individët. Vëllimi i përgjithshëm i linjës kreditore në Ballkanin Perëndimor,  domethënë në Shqipëri, Bosnjë e Hercegovinë, Kosovë, Mal të Zi, Serbi dhe në Maqedoninë e Veriut, është 85 milionë euro.

GEFF në Ballkanin Perëndimor zbatohet në kuadrin e Programit Rajonal të Efiçiencës së Energjisë për Ballkanin Perëndimor (REEP Plus), i financuar nga Unioni Europian, dhe i realizuar në bashkëpunim me Sekretariatin e Komunitetit të Energjisë. Programi i Bashkëpunimit Teknik në kuadër të Programit mbështetet nga Ministria Federale e Financave të Austrisë dhe Korniza e Investimeve të Ballkanit Perëndimor. Bashkëpunimi me donatorët është thelbësor për promovimin e teknologjive të gjelbërta dhe praktikave me performancë të lartë. Donatorët ofrojnë mbështetje kritike për projektet e GEFF, që lehtësojnë ose krijojnë qëndrueshmëri ndaj efekteve të ndryshimeve klimatike dhe kërcënimeve të tjera mjedisore.

Partnerët

Financimi i GEFF realizohet nëpërmjet Institucioneve Financiare partnere të programit, të cilët e përdorin kredinë për financimin e huamarrësve të përshtatshëm që duan të investojnë në projektet që përfshihen në këtë program.