Përkrahja me grante

GEFF mbështetet me grante nga Unioni Europian, Republika e Austrisë dhe Korniza për Investim e Ballkanit Perëndimor.

Projektet e implementuara dhe të verifikuara me sukses mund të jenë të përshtatshme për marrjen e stimujve financiarë për:

А. Individë

• 15% e kostove të pranueshme për një projekt brenda një banese individuale ose shtëpie që përfshin një kategori të vetme të teknologjisë së zgjedhur nga Selektori i Teknologjisë
• 20% e kostove të pranueshme për një projekt brenda një banese individuale ose shtëpie ku përfshihen paketa me më shumë se një kategori të teknologjive të zgjedhura nga Selektori i Teknologjisë
• Pajisjet elektroshtëpiake (p.sh. frigoriferë, ngrirës dhe kondicionerë) nuk janë të mbështetura me grante financiare.

B. Grupe të individëve, shoqatat për banim: ndërtesa shumëkatëshe banimi

• 25% e kostove të pranueshme për një nënprojekt të ndërtesave të banimit shumëkatëshe që përfshin një kategori të vetme të teknologjive nga Selektori i Teknologjisë
• 35%  e kostove të pranueshme për një nënprojekt të ndërtesave të banimit shumëkatëshe ku përfshihen paketa me më shumë se një kategori të teknologjive nga Selektori i Teknologjisë
• Pajisjet elektroshtëpiake (p.sh. frigoriferë, ngrirës dhe kondicionerë) nuk janë të mbështetura me grante financiare.

*Nxitjet e investimeve duhet t’i kalohen shfrytëzuesit final të përdorimit / përfituesit përfundimtar në formën dhe substancën e pranueshme për BERZH

C. Ofruesit e shërbimeve, tregtarët dhe prodhuesit nuk mbështeten me stimuj financiarë.

Për më shumë detaje mbi grantet, shihni tabelën e granteve.

Pasi të instaloni pajisjen/teknologjinë e blerë, pra investimi të përfundojë, mund të aplikoni në internet për grante të BE-së përmes linkut (lidhjes) tonë të Sistemit të Menaxhimit të Verifikimit (VMS).

Ky sistem, i cili është online, mund të përdoret si nga pajisjet desktop ashtu edhe nga pajisjet mobile. Ju mund ta filloni Kërkesën tuaj për Verifikim, të ruani të dhënat e vendosura dhe të vazhdoni sipas nevojës duke përdorur vetëm një ose duke kombinuar hyrjen nga pajisje të ndryshme. Sistemi lejon ngarkimin e thjeshtë të dokumentave që mund të fotografohen nga ju gjatë procesit të dorëzimit dhe të ngarkohen si foto. Ju mund të monitoroni progresin e kërkesës tuaj përmes postave elektronike të gjeneruara nga sistemi ose duke hyrë në VMS.

Për më shumë informata shikoni videon udhëzuese.