17-апрелде 2026-ж. KyrSEFF программасынын инженерлери FINCA Банктын Бишкек жана Беловодск филиалдарынын кредиттик адистери үчүн окутуу тренингин өткөрүштү.

Иш-чаранын негизги максаты — адистердин жашыл каржылоо багытындагы квалификациясын жогорулатуу жана чакан жана орто бизнес (ЧОБ) үчүн энергоэффективдүү жана туруктуу технологияларды каржылоо боюнча практикалык көндүмдөрүн өнүктүрүү болду.

Тренинг интерактивдүү форматта өтүп, практикалык талкууларга жана тажрыйба алмашууга өзгөчө көңүл бурулду. Окутуунун алкагында төмөнкү негизги темалар кеңири каралды:
• ЧОБ үчүн «жашыл» насыя мүмкүнчүлүктөрүн аныктоо жана кардарлардын муктаждыктарын талдоо ыкмалары
• Энергоэффективдүү чечимдерди тандоодо Green Technology Selector эл аралык платформасын колдонуу
• Жашыл инвестицияларды эске алуу менен филиал деңгээлинде кредиттик портфелди талдоо жана мониторинг жүргүзүү
• Аймактык координацияны күчөтүү жана жашыл продукттарды натыйжалуу илгерилетүү механизмдери
• Базарда жеткиликтүү болгон заманбап энергоэффективдүү жабдуулар жана технологиялар боюнча сереп
• Кардарлар үчүн гранттык колдоо алуу шарттары, критерийлери жана жол-жоболору

Ошондой эле тренингдин жүрүшүндө катышуучулар реалдуу кейстерди карап чыгышып, кардарлар менен иштөөдө кездешкен типтүү кырдаалдарды талкуулашты. Бул практикалык бөлүк энергоэффективдүү инвестициялардын артыкчылыктарын тереңирээк түшүнүүгө жардам берди, анын ичинде операциялык чыгымдарды азайтуу, бизнестин атаандаштыкка жөндөмдүүлүгүн жогорулатуу жана айлана-чөйрөгө болгон таасирин кыскартуу.

Катышуучулар өз ара тажрыйба алмашып, учурдагы кыйынчылыктарды талкуулашып, иштин натыйжалуулугун жогорулатуу жолдорун аныкташты.

Мындай иш-чаралар KyrSEFF программасынын маанилүү бөлүгү болуп саналат жана финансылык институттардын потенциалын бекемдөөгө багытталган. Адистердин билим деңгээлин жогорулатуу өлкөдө жашыл каржылоону активдүү өнүктүрүүгө өбөлгө түзөт.