KyrSEFF Жашыл экономика каржылоо программасынын колдоосу менен энергияны үнөмдөөчү чараларды ишке ашыруунун натыйжасында көмүрдү керектөө сезон ичинде 2 тоннага чейин азайды.
Энергетикалык кыйынчылыктар өсүп, электр энергиясына болгон тарифтер жогорулап жаткан шартта, турак жайлардын энергия үнөмдүүлүгүн жогорулатуу Кыргызстандагы жеке сектор үчүн артыкчылыктуу маселе болууда. Бул жааттагы ийгиликтүү иштердин бири Кемин шаарынын тургуну Таалайбек Амановдун окуясы. Ал Европа кайра куруу жана өнүктүрүү банкы (ЕБРР) тарабынан колдоого алынган жашыл экономиканы каржылоо программасы — KyrSEFF’тин мүмкүнчүлүктөрүн колдонгон.
Буга чейин Таалайбек Амановдун үй-бүлөсү жылытуу мезгилинде 5–6 тонна көмүр колдонууга аргасыз болчу. Ошого карабай, үй салкын болуп, өзгөчө балдар жана улгайган үй-бүлө мүчөлөрү үчүн ыңгайсыз болчу. Чечим издеп жүрүп, ал Компаньон банкка кайрылып, энергияны үнөмдөө боюнча иш-чараларга багытталган KyrSEFF программасы тууралуу маалымат алган.
Натыйжада, банктык насыя бир нече күндүн ичинде берилип, андан кийин суу жылыткыч пол системасы орнотулуп, эски терезелер энергияны үнөмдөөчү жаңы терезелерге алмаштырылды.
Бардык оңдоо иштери сапат стандарттарына ылайык жана кыска убакыт ичинде аткарылган. Энергия үнөмдөөчү иш-чаралардын натыйжасында көмүр сарптоо бир сезонго 2 тоннага чейин кыскарган.
KyrSEFF инженерлеринин эсептөөлөрүнө ылайык, жылына 0,99 мегаватт-саат электр энергиясы үнөмдөлүп, бул кадимки үй-бүлө 1–2 ай ичинде сарптаган энергияга барабар. Мындан тышкары, атмосферага чыгарылган көмүр кычкыл газы 0,6 тоннага кыскарган. Бул бир жыл бою көмүр кычкыл газын сиңирип турган 10 даракка тете.
Таалайбек Амановдун айтымында, анын үй-бүлөсү азыркы жашоо шарттарынан абдан ыраазы. Жакшы жаңылык KyrSEFF программасынын алкагында ал насыя суммасының 15% чейин грант алып, анын эсебинен насыянын пайыздык бөлүгүн бир аз жапты.
Гранттык каражаттар Таалайбек Аманов KyrSEFF командасына жасалган иш-чаралардын энергия үнөмдүүлүгүн тастыктаган бардык керектүү документтерди убагында тапшыргандыгы үчүн берилген.
«Оңдоо иштери сапаттуу болду. Азыр үй жарык, таза, жылуу жана абдан жайлуу. Биз балдар жана неберелер менен жашайбыз, эми баарыбызга ыңгайлуу. Компаньон банкынын кызматкерлерине жана KyrSEFF командасына чоң ыраазычылык билдирем. Баары так, ыкчам жүргүзүлдү. Оңдоону улантып, бул программаны кайра колдонгум келет», — деди Таалайбек Аманов.
Мындан сырткары, өз каражатынын эсебинен ал үйдүн сырткы дубалдарын 5–6 см калыңдыктагы пенополистирол менен жылуулап, травертин менен кооздоп бүтүргөн.
KyrSEFF программасы, Кыргызстанда Европа кайра куруу жана өнүктүрүү банкынын (ЕБРР) колдоосу менен ишке ашырылып жатат жана ал коммуналдык чыгымдарды кыскартууга гана эмес, климаттын өзгөрүшүнүн таасирин азайтууга да салым кошууда.
