На 9 декември 2025 година, во рамки на програмата Young Energy Europe, АХК Северна Македонија организираше настан на тема „Финансирање на зелени бизнис-проекти – каде што зелените идеи се среќаваат со зелениот капитал“, кој собра професионалци, институции и компании заинтересирани за одржлив бизнис-развој.
Настанот беше фокусиран на практични можности за финансирање на зелени инвестиции, вклучително и европски фондови, меѓународни кредитни линии и модели на комбинирано финансирање. Еден од клучните сегменти беше презентацијата на програмата Green Finance Facility (GFF) – заедничка иницијатива спроведена во партнерство со Владата на Република Северна Македонија, Обединетите нации, Европската банка за обнова и развој (ЕБОР) и локални финансиски институции.
Ловре Ристевски, проектен менаџер и финансиски експерт од компанијата Solo Kompani, ја претстави структурата, целите и придобивките од програмата GFF, нагласувајќи ја нејзината улога во овозможување пристап до поволно финансирање за микро, мали и средни претпријатија кои инвестираат во обновливи извори на енергија и енергетска ефикасност. Во својата презентација, тој ги истакна предностите од имплементација на технологии како соларни панели, топлотни пумпи и енергетски ефикасни системи во бизнис-секторот, со цел намалување на оперативните трошоци и подобрување на еколошките перформанси.
Настанот ја потврди важноста од соработка помеѓу јавниот и приватниот сектор за забрзување на зелената транзиција и ги охрабри компаниите да ги искористат достапните механизми за имплементација на одржливи и енергетски ефикасни решенија.
Green Finance Facility (GFF) проектот е финансиран од Joint Fund for SDG (Sustainable Development Goals), United Nations in North Macedonia, Government of the Republic of North Macedonia, European Bank for Reconstruction and Development (EBRD) и финансиските институции. Проектот е имплементиран од UNDP MK, IOM – UN Migration, UNECE Sustainable Energy и EBRD.
Поддржано од
