Монгол дахь ГЕФФ үйлчилгээ нь өндөр гүйцэтгэлтэй технологи, арга туршлагаар дамжуулж айл өрх болон хувийн салбарын бизнес эрхлэгчид өрсөлдөх чадвараа нэмэгдүүлэхэд нь санхүүгийн болон зөвлөх үйлчилгээ үзүүлдэг. ГЕФФ үйлчилгээ нь 2014-2019 он хүртэл хэрэгжсэн Монголын тогтвортой эрчим хүчний санхүүжилтийн үйлчилгээ (MонСЕФФ)-ний ололт амжилт дээр тулгуурласан. MонСЕФФ нь нийт 25 сая ам. долларын санхүүжилттэй байсан бөгөөд эрчим хүчний үр ашигтай арга хэмжээ, шинэ тоног төхөөрөмжид хөрөнгө оруулах замаар Монгол Улсын 40 гаруй бизнес эрхлэгчдэд эрчим хүчний хэрэглээгээ бууруулахад дэмжлэг үзүүлсэн. Нийт санхүүжилт авсан төслүүд жилд 255,047 МВт/цаг эрчим хүч хэмнэж, нүүрсхүчлийн хийн ялгаруулалтыг 94,044 тн. (eq. CO2/y) бууруулсан.
ГЕФФ үйлчилгээ нь эрчим хүчний хэмнэлт болон бага оврын сэргээгдэх эрчим хүчийг дэмжихэд 137 сая ам.долларын санхүүжилтийн хөрөнгө оруулалт хийх замаар Монгол Улсыг ногоон эдийн засагт шилжих шилжилтийн үйл явцыг дэмжиж ажиллана. Айл өрх ба компаниуд уг үйлчилгээнд оролцогч банкуудад дараах чиглэлээр хүсэлт гаргаж болно:
ГЕФФ-ийн баг нь төсөл боловсруулахаас эхлээд хөрөнгө оруулалтын үнэлгээ хийх, төсөл хэрэгжүүлэх бүхий л үе шатанд техникийн туслалцаа үзүүлнэ. Энэхүү үйл ажиллагаа нь хамгийн оновчтой шийдлийг тодорхойлох болон санхүүжилт амжилттай авах ногоон эдийн засгийн төслүүдийн чанарыг сайжруулахад ач холбогдолтой юм. Монгол Улсад хэрэгжүүлж буй энэхүү үйлчилгээ нь Европын сэргээн босголт, хөгжлийн банк (ЕСБХБ) -ны бүтээгдэхүүн юм. ГЕФФ-ийн донор байгууллагуудтай байгуулсан хамтын ажиллаа нь ногоон эдийн засгийг дэмжин хөгжүүлэх цөм юм. Донор байгууллагууд нь цаг уурын өөрчлөлтөөр болон хүрээлэн буй орчинд бий болсон сөрөг нөлөөллийг арилгах, нөхөн сэргээх чиглэлээр ГЕФФ-ийн төслүүдэд маш чухал дэмжлэг үзүүлдэг. Монгол дахь энэхүү төслийг Уур амьсгалын ногоон сан (УАНС), Япон-ЕСБХБ-ны хамтын ажиллагааны сан (ЯЕХАС) дэмжин ажиллаж байна.
ГЕФФ-ээр дамжуулан ЕСБХБ нь Монгол дахь санхүүгийн оролцогч байгууллагуудад зээлийн санхүүжилтийг олгодог бөгөөд тэдгээр нь зээл авах шалгуур үзүүлэлтийг хангасан олон тооны төслийн үр шим хүртэгчдийн ногоон хөрөнгө оруулалтыг санхүүжүүлдэг.
ГЕФФ нь санхүүжилтийн хялбар үйлчилгээнээс давж гарсан үйлчилгээг үзүүлж байна. Өндөр туршлагатай ЕСБХБ-ны банкируудын баг болон техникийн хөтөлбөрийн менежерүүд нь ГЕФФ-ийн бүтээгдэхүүн, үйлчилгээний хүртээмжийг чанартай, иновацлаг байх нөхцөлийг бүрдүүлэн ажиллаж байна. Түүнчлэн, оролцогч санхүүгийн байгууллагууд болон тэдгээрийн үйлчлүүлэгчдийн зах зээлийн үйлчилгээг өргөтгөхөд нь туслах зорилгоор зөвлөх үйлчилгээг хүргэж ажиллаж байна.
Энэ нь ногоон эдийн засгийн хөрөнгө оруулалтын үр шим болон ногоон төслүүд хэрхэн бодит хөрөнгө оруулалт болж чадаж байгааг харуулахад нь ГЕФФ-д тусалж байна.
Дэмжсэн:
