Ҳадафи семинар баланд бардоштани сатҳи огоҳии занон оид ба имкониятҳои тиҷорати гармхона ва рушди фаъолияти соҳибкорӣ дар соҳаи кишоварзӣ буд. Дар ҷараёни чорабинӣ иштирокчиён бо технологияҳои муосири каммасрафи энергия ва захираҳо, инчунин шартҳо ва имкониятҳои дастрасӣ ба маблағгузорӣ шинос гардиданд.
Ба масъалаҳои иқтисодии пешбурди тиҷорати гармхона, аз ҷумла интихоби зироатҳо, хароҷоти сармоягузорӣ ва даромаднокии эҳтимолӣ диққати махсус дода шуд. Ҳамчунин қарорҳои муосири сабз, аз қабили системаҳои обёрии қатрагӣ, технологияҳои офтобӣ ва идоракунии самараноки захираҳои об пешниҳод гардиданд.
Дар доираи семинар мисолҳои амалии татбиқи бомуваффақияти технологияҳои сабз дар хоҷагиҳои гармхонагӣ дар доираи барномаи GEFF II Тоҷикистон муаррифӣ шуданд, ки нишон доданд чӣ гуна истифодаи ин қарорҳо ба зиёд шудани ҳосилнокӣ, афзоиши даромад ва кам шудани хароҷот мусоидат мекунад.
Таъминкунандагони технологияҳои сабз қарорҳои худро дар соҳаҳои сохтмони гармхонаҳо, системаҳои обёрии қатрагӣ ва дастгоҳҳои энергетикаи офтобӣ пешниҳод карданд. Иштирокчиён имконият пайдо карданд, ки бо қарорҳои техникӣ шинос шуда, ба мутахассисон саволҳои амалӣ пешниҳод намоянд.
Барномаи GEFF II Тоҷикистон бо дастгирии Бонки аврупоии таҷдид ва рушд (EBRR), Фонди иқлимии сабз (GCF), Вазорати молияи Австрия ва Ҷумҳурии Корея амалӣ гардида, ба густариши дастрасӣ ба маблағгузории устувор ва рушди иқтисоди сабз дар кишвар мусоидат менамояд.