Дар моҳи январи соли 2026 барномаи GEFF II Тоҷикистон дар ярмаркаи савдои Агро-Корвони 2026 иштирок намуд, ки 27 январ дар шаҳри Хуҷанд ва 30 январ дар шаҳри Конибодом  баргузор гардид.
Чорабинӣ бо ташаббуси Helvetas дар ҳамкорӣ бо GIZ ташкил шуда, деҳқонон, намояндагони бахши агробизнес, таъминкунандагони технология, муассисаҳои молиявӣ ва шарикони рушдро муттаҳид намуд.
Дар ҷараёни ярмарка GEFF II Тоҷикистон якҷо бо муассисаҳои молиявии шарик имкониятҳои маблағгузории сабзро барои бахши кишоварзӣ муаррифӣ кард. Таваҷҷуҳи асосӣ ба дастгирии сармоягузорӣ ба технологияҳои муосир, каммасрафи энергия ва ба тағйирёбии иқлим тобовар равона карда шуд.
Гурӯҳи GEFF II Тоҷикистон бо деҳқонон ва соҳибкорон бевосита ҳамкорӣ намуда, ба онҳо маълумот дар бораи дастрасӣ ба технологияҳои мувофиқи сабз ва роҳҳалҳои маблағгузорӣ пешниҳод намуд, ки ба баланд бардоштани истеҳсолот ва устуворӣ равона шудаанд. Ин фаъолиятҳо инчунин ба таҳкими робитаҳо миёни деҳқонон, таъминкунандагони технология ва муассисаҳои молиявӣ мусоидат намуда, ҳамкории амалиро дар самти сармоягузориҳои cабз тақвият бахшиданд.
Иштирок дар Агро-Корвони 2026 як қисми талошҳои пайвастаи барномаи GEFF II Тоҷикистон ҷиҳати баланд бардоштани сатҳи огоҳӣ ва дастгирии гузариш ба кишоварзии устувор дар саросари кишвар мебошад. Чунин ташаббусҳо ба таҳкими устувории бахши кишоварзӣ ва густариши истифодаи таҷрибаҳои аз ҷиҳати экологӣ устувор мусоидат менамоянд.