Маблағгузорӣ ба бунёди боғ дар нишебӣ барои афзоиши ҳосилнокӣ ва даромаднокии хоҷагӣ
Кароматулло Исматов деҳқонест, ки 20 сол таҷрибаи корӣ дорад ва 3,8 га заминро нигоҳубин мекунад. Хоҷагӣ дар ноҳияи Турсунзода ҷойгир аст. Ин минтақа бо ангури баландсифат хеле машҳур мебошад. Бо назардошти афзалиятҳои муқоисавии истеҳсоли ангур дар ин минтақа, Кароматулло Исматов тасмим гирифт, ки як гектар заминашро барои бунёди боғи ангур табдил диҳад.
Кароматулло Исматов аз яке бонкҳои шарики Бонки Аврупоии Таҷдид ва Рушд (БАТР) қарз гирифт ва ба хариди ниҳолҳо ва шинонидани онҳо сармоягузорӣ кард. Тибқи нақшаи деҳқон, барои ҷамъоварии ҳосили аввалини ангур дар ҳаҷми 20 тонна аз як гектар тақрибан 4-5 сол лозим аст. Дар ин муддат, ӯ бо мақсади кам кардани хароҷотҳои доимиаш дар байни қаторҳои ангур зироатҳои юнучқа ва тарбуз кишт намуд.
Боғи нави бунёдшуда эрозияи хок ва ярчро пешгирӣ намуда, хонаҳои деҳаро, ки дар поёни теппа ҷойгиранду солҳои пеш зарари зиёд дида буданд, эмин нигоҳ медорад. Аз рӯи гуфти деҳқон, коҳиши ҳамасолаи эрозияи хок тақрибан 5,34 тонна мешавад.
Дастгирии грантӣ аз ҷониби Иттиҳоди Аврупо дар ҳаҷми 30% пешкаш мегардад, ки ин маблағгузориро барои деҳконон дастрастар мегардонад.
«Ин сармоягузорӣ барои пешгирии эрозияи хок ва барои аз нав истифодабарии устувори заминҳои кишоварзӣ хеле муҳим аст. Боғи нав дар нишебии теппа бехатарӣ ва истифодаи минбаъдаи заминҳои лалмиро дар поёни теппа таъмин мекунад», қайд кард Кароматулло Исматов
Лоиҳаи GEFF Тоҷикистон аз ҷониби Иттиҳоди Аврупо, Хазинаи Иқлими Сабз ва Кореяи Ҷанубӣ дастгирӣ карда мешавад.
GEFF Тоҷикистон [Занҷираҳои арзиши иловашуда дар соҳаи кишоварзӣ] ба деҳқонон ва агробизнеси тоҷик барои дар амал ҷорӣ намудани технологияҳои муосир, ки рақобатпазирии занҷираҳои истеҳсолотро дар соҳаи кишоварзӣ афзоиш медиҳанд, кӯмак мерасонад.
Лоиҳа аз тарафи Иттиҳоди Аврупо маблағгузорӣ мешавад
Дар ҳамкорӣ бо:
Кореяи ҷанубӣ
