enrutj

Ширкати кишоварзии ватанӣ аз сармоягузорӣ ба техникаи каммасраф фоида мегирад

Сармоягузор
ҶДММ «Абдурауф Юсупов»
Макон
Ҳисор, Тоҷикистон
Сармоягузорӣ
Трактор, ядак, алафдаравак
Ҳаҷми сармоягузорӣ
US$ 51568
Натиҷаи молиявӣ
Мӯҳлати баргардонидан 3 сол
Сарфаи энергия
209 ГҶ/сол
Коҳиш додани партовҳои CO2
15452 кг/сол
Донорҳо
ИА, ХИС, Кореяи Ҷанубӣ

Техникаи нави каммасраф - сарфи сӯзишворӣ кам ва маҳсулнокӣ баланд мегардад

ҶДММ «Абдурауф Юсупов» яке аз калонтарин ширкатҳои кишоварзии ноҳияи Ҳисор буда, 228  нафарро бо ҷои кор таъмин мекунад, ки зиёда аз 50%-и онҳоро занон ташкил медиҳанд. Ин корхона занҷираи арзиши коркарди ширро зина ба зина таъсис дода, аз кишту нигоҳдории хӯроки чорво, истеҳсоли шири баландсифат ва пешниҳоди он ба корхонаҳои коркарди шир барои истеҳсоли маҳсулоти гуногуни ширӣ, ба монанди панир, сметана, йогурт ва равғани маска саҳм мегузорад. Хоҷагӣ соҳиби 1028 гектар замин буда, гандум, пахта, картошка, ҷуворимака ва юнучқа истеҳсол мекунад ва 1100 сар чорво парвариш менамояд.

Барои истеҳсоли саривақтии хӯроки чорво, директори ҶДММ «Абдурауф Юсупов» – Зафар Қаландаров ба хулоса омад, ки техникаи кишоварзии кӯҳнаи худро ба нав иваз намояд. Бо ин мақсад ӯ ба яке аз бонкҳои шарики Бонки Аврупоии Таҷдид ва Рушд (БАТР) барои гирифтани қарз дар ҳаҷми 51568 доллари ИМА бо мақсади харидани трактор, ядак ва мошини алафдарави нави каммасраф муроҷиат кард. Дар моҳи январи соли 2020 Зафар Қаландаров дар вохӯрӣ бо Ҷамоатҳо[1], ки аз тарафи лоиҳаи GEFF ташкил карда шуд, ташриф оварда буд ва ӯ пеш аз сармоягузории худ бо мутахассисони гурӯҳи машваратчиёни кишоварзии лоиҳаи GEFF саволҳои зиёди техникиро муҳокима кард.

Дастгирии грантӣ аз ҷониби Иттиҳоди Аврупо дар ҳаҷми 30% пешкаш мегардад, ки ин маблағгузориро барои деҳконон дастрастар мегардонад.

Сармоягузории ширкат боиси сарфаи солонаи сӯзишворӣ дар ҳаҷми 209 ГҶ шуд ва мӯҳлати пардохт тақрибан 3 солро ташкил медиҳад. «Мо барои беҳтар намудани истеҳсолот ва ҷараёни он ҳамавақт сармоягузорӣ мекунем. Мо тасмим гирифтем, ки ҳаҷми истеҳсоли маҳсулоти хоҷагиро зиёд намоем ва ин  сармоя ба кори мо таъсири мусбӣ хоҳад расонд, ки дар натиҷа рақобатнокии моро беҳтар мегардонад» – гуфт Зафар Қаландаров.

Лоиҳаи GEFF Тоҷикистон аз ҷониби Иттиҳоди Аврупо, Хазинаи Иқлими Сабз ва Кореяи Ҷанубӣ дастгирӣ карда мешавад.

GEFF Тоҷикистон [Занҷираҳои арзиши иловашуда дар соҳаи кишоварзӣ] ба деҳқонон ва агробизнеси тоҷик барои дар амал ҷорӣ намудани технологияҳои муосир, ки рақобатпазирии занҷираҳои истеҳсолотро дар соҳаи кишоварзӣ афзоиш медиҳанд, кӯмак мерасонад.

[1] Ҷамоатҳо ҳамчун ҳукумати маҳаллии зертобеи ноҳия ҳастанд, ки якчанд деҳаро идора мекунанд. Дар Тоҷикистон тақрибан 405 ҷамоат мавҷуд аст.