enrutj

Системаи самараноки обёрӣ ба рушди заминистифодабарӣ дар ҷануби Тоҷикистон таъсир мерасонад

Сармоягузор
Деҳқон
Макон
Қубодиён, Тоҷикистон
Сармоягузорӣ
Қубурҳо барои обёрӣ
Ҳаҷми сармоягузорӣ
US$ 4125
Натиҷаи молиявӣ
Мӯҳлати баргардонидан 2 сол
Сарфаи об
3327 м3/сол
Коҳиш додани партовҳои CO2
25 кг/сол
Донорҳо
ИА, ХИС, Кореяи Ҷанубӣ

Баланд бардоштани самаранокии истифодаи об ва дастрасӣ ба манбаъҳои он

Равшан Ҳоҷибеков бо 10 аъзои оилааш дар масоҳати 4,8 га замин кор мекунад. Ин деҳқон бо таҷрибаи 15-солаи кишоварзӣ аз ноҳияи Қубодиён мебошад, ки 170 км дар тарафи ҷанубу – ғарбӣ аз пойтахти Точикистон, шаҳри Душанбе воқеъ аст. Гарчанде, ки ин ноҳия иқлими мусоид ва фаровонии захираҳои заминӣ дорад, аммо деҳқонон аз сабаби заифии системаи обёрии мавҷудбуда, заминҳои худро пурра истифода бурда наметавонанд.

Равшан Ҳоҷибеков тасмим гирифтааст, ки истифодаи самараноки заминро беҳтар намояд. Бо ин мақсад, вай аз яке бонкҳои шарики Бонки Аврупоии Таҷдид ва Рушд (БАТР) барои харид ва насби 600 метр қубури пластикӣ дар ҳаҷми 4125 доллари ИМА қарз гирифтааст. Пас аз насби системаи обёрӣ, вай дар масоҳати 2,88 га пахта ва 2 га чормағзи заминӣ кишт кард.

Насби системаи нави обтаъминкунӣ ба хоҷагии Равшан Ҳоҷибеков обрасонии мунтазам ва устуворро барои обёрии зироатҳои гуногун таъмин намуд. Ин система дар як сол 3327 м3 обро сарфа мекунад, ки имконияти бештари обёрии заминҳои мавҷударо таъмин менамояд. Мӯҳлати пӯшонидани хароҷотҳои лоиҳа 2 сол аст.

Дастгирии грантӣ аз ҷониби Иттиҳоди Аврупо дар ҳаҷми 20% пешкаш мегардад, ки ин маблағгузориро барои деҳконон дастрастар мегардонад.

“Қубурҳои пастикӣ ба ман имкон медиҳанд, ки обро мунтазам таъмин намоям ва ҳамсоягони ман низ ин натиҷаҳоро дида барои насби чунин системаҳои обёрӣ омода ҳастанд. Ҳоло ман барои обёрии пурраи заминҳоям боварӣ дорам ва дар оянда ният дорам, ки майдони киштро барои парвариши зироати тарбуз ва боғҳои мевадиҳанда зиёд намоям” – гуфт Равшан Ҳоҷибеков.

Лоиҳаи GEFF Тоҷикистон аз ҷониби Иттиҳоди Аврупо, Хазинаи Иқлими Сабз ва Кореяи Ҷанубӣ дастгирӣ карда мешавад.

GEFF Тоҷикистон [Занҷираҳои арзиши иловашуда дар соҳаи кишоварзӣ] ба деҳқонон ва агробизнеси тоҷик барои дар амал ҷорӣ намудани технологияҳои муосир, ки рақобатпазирии занҷираҳои истеҳсолотро дар соҳаи кишоварзӣ афзоиш медиҳанд, кӯмак мерасонад.