23 апрел дар дафтари марказии Бонки ИМОН Интернейшнл дар шаҳри Хуҷанд маросими қадрдонии мутахассисони қарзӣ баргузор гардид, ки натиҷаҳои беҳтаринро дар доираи азхудкунии транши якуми барномаи GEFF II дар Тоҷикистон нишон доданд.

Аз рӯи натиҷаҳои баҳодиҳӣ ғолибон муайян гардиданд:
Ҷойи 1 — Ҷураев Олимҷон Наимчонович
Ҷойи 2 — Фатуллоев Манучеҳр Саидович
Ҷойи 3 — Юлдошев Насибуллоҳ Каримович

Ғолибон сатҳи баланди касбият, фаъолияти фаъоли кор бо муштариён ва саҳми назаррас дар пешбурди қарзҳои «сабз»-ро нишон доданд. Кӯшишҳои онҳо дар азхудкунии самараноки транши якум ва васеъ намудани дастрасӣ ба маблағгузорӣ барои ҷорӣ намудани технологияҳои сарфакунандаи энергия ва захираҳо дар байни соҳибкорон ва хоҷагиҳои хонагӣ нақши калидӣ бозидааст.

Барномаи GEFF II ба дастгирии сармоягузорӣ ба технологияҳои «сабз» равона шудааст, ки ба рушди устувор, баланд бардоштани самаранокии энергия ва истифодаи оқилонаи захираҳои табиӣ мусоидат менамоянд.

Татбиқи барномаи GEFF II дар Тоҷикистон бо дастгирии молиявии  Бонки Аврупоии Таҷдид ва Рушд ва донорҳо, аз ҷумла Фонди Иқлими Сабз ва Ҷуҳурияти Австрия ва Корея амалӣ мегардад.

Ба тамоми дастаи Бонки ИМОН Интернейшнл барои сатҳи баланди ҷалбият, касбият ва саҳми арзанда дар татбиқи муваффақонаи барнома изҳори миннатдории самимӣ менамоем. Ба шарофати талошҳои муштараки шарикон, GEFF II минбаъд низ ба рушди иқтисоди «сабз» ва ҷорӣ намудани қарорҳои муосири устувор дар Тоҷикистон мусоидат менамояд.