Семинари аввал оид ба қарздиҳии технологияҳои сабз дар доираи марҳилаи дуюми GEFF Тоҷикистон барои МДО «ИМОН Интернейшнл»

29 июл дар доираи барномаи GEFF II семинари аввалини шиносоӣ барои гурӯҳи менеҷерони сатҳи миёна ва роҳбарони филиалҳои МДО «ИМОН Интернейшнл» баргузор гардид. МДО «ИМОН Интернейшнл» яке аз бузургтарин муассисаҳои молиявии Тоҷикистон ба ҳисоб меравад, ки дорои шабакаи 127 намояндагӣ буда, зиёда аз 20 сол дар бозори микромолия фаъолият дорад.

Мавзӯъҳои асосии семинар:

• баррасии принсипҳои қарздиҳӣ ва давраи ҳаётии зерлоиҳаи сабз дар доираи GEFF;
• шиносоӣ бо технологияҳо, таҷҳизот ва чорабиниҳое, ки метавонанд аз ҷониби GEFF II маблағгузорӣ шаванд барои кам кардани таъсирот ва мутобиқ шудан ба тағйирёбии иқлим;
• муҳокимаи стратегияҳои маркетингӣ ва усулҳои фурӯши технологияҳои сабз.

Ташкил ва гузаронидани семинар:
Семинар аз ҷониби мушовирони GEFF II гузаронида шуд, ки онро ширкати GOPA-International Energy Consultants GmbH (Intec) бо ҳамкории Agriculture & Finance Consultants GmbH (AFC) ва Central Asia International Consulting (CAI Consulting) амалӣ менамояд.

Иштироки фаъол ва мубодилаи таҷриба:
Мушовирон дониш ва таҷрибаи арзандаи худро бо иштирокчиён тақсим карда, ба ҳамаи саволҳои онҳо посух доданд. Семинар дар фазои ҳамкории фаъол ва муколамаи созанда баргузор гардид.

Ин семинар қадами аввал дар як қатор чорабиниҳои омӯзишӣ мебошад, ки ба дастгирӣ ва пешбурди технологияҳои сабз дар Тоҷикистон равона шудаанд.

Мо итминон дорем, ки ин иқдом оғози имкониятҳои нав барои рушди устувор ва тиҷорати дӯстдори муҳит дар минтақа хоҳад шуд.