Savdo-sotiqni moliyalashtirish

Innovatsion texnologiyalarni sotib olish qiyin bo‘lishi mumkin, ammo biznesingiz muvaffaqiyati uchun juda muhimdir:

• yashil iqtisodiyot texnologiyalarini import qilish uchun oldindan toʻlovni amalga oshirishingiz kerak, ammo to‘lovni amalga oshirish imkoni yoʻqmi?
• biznesingiz pul aylanmasi bilan bog‘liq cheklovlarni boshdan kechirmoqdami?
• mahsulotlarni yetkazib berolmaslik xavfini kamaytirishni yoki yetkazib berilgan mahsulotlar sifatini ta’minlashni xohlaysizmi?

Bizda siz uchun yechim bor:

YeTTB Savdoni osonlashtirish dasturi (SOD) oʻzining hamkor banklari orqali yashil iqtisodiyot texnologiyalarini import qilish va mahalliy taqsimlash uchun moslashtirilgan moliyalashtirish vositalarini taqdim etmoqda.

Savdoni osonlashtirish dasturi (SOD) nima?

SOD 1999 yilda YeTTB tomonidan xalqaro savdoni rag‘batlantirish va osonlashtirish maqsadida tashkil etilgan. Ushbu dastur doirasida YeTTB import o‘tkazmalarida va mahsulotlarni mahalliy taqsimlashda tijorat va siyosiy to‘lov xavflarini qoplab berishni kafolatlash yo‘li bilan O‘zbekistondagi banklarni qo‘llab-quvvatlaydi.

Bu qanday ishlaydi?

Agar yashil iqtisodiyot texnologiyalarini import qilmoqchi bo‘lsangiz va ushbu texnolagiyalarni yetkazib berish/sotib olish bo‘yicha shartnoma tuzish uchun muzokaralar o‘tkazmoqchi bo‘lsangiz, iltimos, bir yoki bir nechta hamkor moliya institutlarimiz (HMI) bilan bog‘laning. Sizning biznes ehtiyojlaringizga qarab, sizga kredit yoki savdoni moliyalashtirish vositasi taklif qilinishi mumkin. Hamkor banklar xalqaro savdo bilan bog‘liq xavflarni kamaytirish va to‘lov shartlarini osonlashtirish bo‘yicha yordam berishi mumkin.

Texnologiyalar muvofiqligi haqida qo‘shimcha ma’lumot olish uchun GEFF Texnologiyalar selektori ro‘yxatiga qarang yoki GEFF jamoasi bilan bog‘laning.

YeTTBning Savdoni osonlashtirish dasturi haqida koʻproq maʼlumot olish uchun bu yerni bosing.