Toshkent, 2026 yil 25 fevral — Green Economy Financing Facility (GEFF) dasturini O‘zbekistonda amalga oshirish doirasida Andijon shahridagi Hamkorbank bosh ofisida hamda bankning Samarqand, Urganch, Toshkent, Nukus va Buxoro shaharlaridagi hududiy filiallarida xodimlar uchun yashil moliyalashtirish yo‘nalishida malaka oshirishga qaratilgan bir qator treninglar tashkil etildi.
O‘quv dasturi kichik va o‘rta biznes (KOB) bo‘yicha kredit mutaxassislari, filial rahbarlari, shuningdek mijozlar bilan ishlash va kredit bitimlarini tuzish jarayonlarida bevosita ishtirok etuvchi bosh ofisning kreditlash, risklarni boshqarish hamda ESG yo‘nalishini muvofiqlashtirish bo‘linmalari vakillari uchun mo‘ljallangan edi.
Treninglarning asosiy maqsadi ishtirokchilarning GEFF dasturining O‘zbekistondagi ustuvor yo‘nalishlari va maqsadlari bo‘yicha amaliy bilimlarini oshirish, mijozlar bilan ishlash jarayonida mos keluvchi “yashil” investitsiyalarni aniqlash bo‘yicha ko‘nikmalarini mustahkamlash hamda barqaror texnologiyalarni joriy etishning moliyaviy afzalliklarini kundalik kredit faoliyatiga integratsiya qilishdan iborat bo‘ldi.
Ishtirokchilar, shuningdek, Green Technology Selector (GTS) instrumentidan foydalanish, filial darajasida kredit portfelini dastlabki skriningdan o‘tkazish hamda hududiy jamoalar, bosh ofis bo‘linmalari va GEFF konsultantlari o‘rtasidagi hamkorlikni takomillashtirish bo‘yicha amaliy tavsiyalar oldilar.
Mazkur tadbirlar O‘zbekistonda biznes subyektlari va aholi uchun “yashil” moliyalashtirish imkoniyatlarini kengaytirishga xizmat qiladi hamda energiya samaradorligi, qayta tiklanuvchi energiya manbalari va iqlimga mos texnologiyalarga investitsiyalarni qo‘llab-quvvatlaydi.
Qo‘llab-quvvatlovchi:
