Боғи интенсивӣ бо системаи обёрии қатрагӣ – истифодаи самараноки об ва интиқоли маводи ғизоӣ барои парвариши зироатҳо

Обёрии қатрагӣ як роҳи самаранок ва сарфакорона обёрии боғҳо мебошад. Ин технология одатан дар манотиқи камоби кишвар истифода бурда шуда, рӯз аз рӯз маъмултар шуда истода аст.

Давламад Нуралиев – деҳқони ботаҷриба аз ноҳияи Шамсиддин Шоҳин мебошад. Ӯ тракторчй шуда кор мекунад ва ба хочагиҳои хамсоя низ хизмати худро пешниход менамояд. Хоҷагии деҳқонии «Ҳоҷӣ Ҳасан» соли 2000-ум аз ҷониби падараш, ки агрономи моҳир асту барои пешбурди тиҷорати муваффақ ёри мекунад, таъсис ёфта шудааст. Аъзоёни оилаи ӯ низ дар ин хоҷагӣ, ки масоҳати умумиаш 15-гаро ташкил медиҳад, фаъолият мекунанд.

Соли 2016 Давламад Нуралиев дар ноҳияи худ боғи интенсивиро дид, ки бо системаи обёрии қатрагӣ муҷаҳҳаз буд ва ба гуфтаи соҳиби ин хоҷагӣ, ҳосилнокиро аз ҳар гектар то 15% афзоиш додааст. Баъдтар ӯ тасмим гирифт дар 1 га замини хоҷагии худ боғи интенсивӣ бунёд кунад ва ҳамкориро бо таҳвилгари ниҳолҳои қадпаст шурӯъ кард, ки имкониятҳои сармоягузорӣ ва дастгириҳои грантиро дар доираи лоиҳаи GEFF тавсия додааст.

Давламад Нуралиев ба яке аз бонкҳои шарики Бонки Аврупоии Таҷдид ва Рушд (БАТР) муроҷиат карда, барои хариди 1000 ниҳоли себи навъи қадпаст ва насби системаи обёрии қатрагӣ қарз гирифт. Тибқи тавсияномаҳо, вай дар соли дуюм 10 тонна ва дар соли сеюм 20 тонна ҳосил хоҳад гирифт.

Мавҷудияти ҳавасмандкунии грантӣ аз ҷониби Иттиҳоди Аврупо (ИА) дар ҳаҷми 30% имкон медиҳад, ки маблағгузорӣ барои деҳқонон дастрас бошад.

«Системаи обёрии қатрагӣ тавассути кам кардани тамоси об бо баргу поя ва мева бемориҳоро пешгирӣ мекунад. Ҳоло, ман ният дорам, ки барои гирифтани қарзи дигари GEFF барои харидани мини-трактор ва 500 ниҳоли дигар барои васеъ кардани боғи интенсивии худ ариза пешниҳод кунам» шарҳ дод Давламад Нуралиев.

Лоиҳаи GEFF Тоҷикистон аз ҷониби Иттиҳоди Аврупо, Хазинаи Иқлими Сабз ва Кореяи Ҷанубӣ дастгирӣ карда мешавад.

GEFF Тоҷикистон [Занҷираҳои арзиши иловашуда дар соҳаи кишоварзӣ] ба деҳқонон ва агробизнеси тоҷик барои дар амал ҷорӣ намудани технологияҳои муосир, ки рақобатпазирии занҷираҳои истеҳсолотро дар соҳаи кишоварзӣ афзоиш медиҳанд, кӯмак мерасонад.