Сардхонаи замонавӣ ба мизоҷони ватанӣ ва хориҷӣ меваҳои тару тоза пешниҳод мекунад

ҶДММ «Зарнисори Шаҳринав» яке аз ширкатҳои пешқадами кишоварзӣ дар ноҳияи Шаҳринав буда, дорои 200 га боғҳои ангур, себ, олу ва гелос мебошад. Айни замон, ин ширкат 220 ҷои кори доимӣ пешниҳод мекунад, аз он ҷумла 55 ҷой барои занҳо.

Барои васеъкунӣ ва диверсификатсияи тиҷорати худ, Баҳодур Садриддинов, сардори ҶДММ «Зарнисори Шаҳринав» тасмим гирифтааст, ки бо истифодаи сэндвич-панелҳои муосир як сардхонаи ҳозиразамон созад. Ӯ ба яке аз бонкҳои шарики Бонки Аврупоии Таҷдид ва Рушд (БАТР) муроҷиат карда, дар доираи лоиҳаи GEFF  ба маблағи 51582 доллари ИМА қарз гирифт.

Мизоҷ як сардхонаро бо ҳаҷми 500 тонна сохтааст, ки аз 5 хонаи алоҳида иборат аст. Ҳар як хона дорои ғунҷоиши 100 тонна маҳсулот мебошад ва бо панелҳои сэндвич ҷудо карда шудааст, ки дар як сол ҳамагӣ 44112 кВт / соат барқро сарфа мекунад.

Баҳодур Садриддинов тасмим гирифтааст, ки аз ин имконияти мавҷуда хидматрасонии сардхонагиро ба дигар хоҷагиҳои минтақа пешниҳод кунад. Сардхонаи калонҳаҷм имконияти таъминоти мунтазами меваҳоро ба бозорҳои Русия, Қазоқистон ва Афғонистон муҳайё мекунад.

Дастгирии грантӣ аз ҷониби Иттиҳоди Аврупо дар ҳаҷми 30% пешкаш мегардад, ки ин маблағгузориро барои деҳконон дастрастар мегардонад.

«Ин як лоиҳаи хеле муҳим барои ширкат аст. Он ба мо имконият медиҳад, ки фаъолияти тиҷоратии худро диверсификатсия намоем, таъминоти мунтазамро ба бозорҳои минтақавӣ таъмин карда, фарогирии ҷуғрофии занҷираҳои арзиши маҳсулоти кишоварзии худро мустаҳкам намоем», гуфт Баҳодур Садриддинов.

Лоиҳаи GEFF Тоҷикистон аз ҷониби Иттиҳоди Аврупо, Хазинаи Иқлими Сабз ва Кореяи Ҷанубӣ дастгирӣ карда мешавад.

GEFF Тоҷикистон [Занҷираҳои арзиши иловашуда дар соҳаи кишоварзӣ] ба деҳқонон ва агробизнеси тоҷик барои дар амал ҷорӣ намудани технологияҳои муосир, ки рақобатпазирии занҷираҳои истеҳсолотро дар соҳаи кишоварзӣ афзоиш медиҳанд, кӯмак мерасонад.