Меъёрҳои мувофиқат

Мо ба мизоҷони Ташкилотҳои молиявӣ барои муайян кардани лоиҳаҳои сабз ва татбиқи он кӯмак мерасонем. Бифаҳмед, ки оё Шумо ва лоиҳаи Шумо барои маблағгузории GEFF ҳуқуқ дорад?

Кӣ метавонад барои маблағгузорӣ муроҷиат намояд?

Аз нуқтаи назари GEFF ва қоидаҳои қабули Иттиходи Аврупо, категорияҳои зерини қарзгирандагон метавонанд ба GEFF муроҷиат кунанд:

• хонаводаҳо ва ассотсиатсияҳои манзилӣ,
• корхонаҳои хурд ва миёна,
• таъминкунандагони хизматрасониҳо, фурӯшандагон ё истеҳсолкунандагони таҷҳизотҳои мувофиқ

Технологияҳои маблағгузоришаванда

Ба воситаи GEFF ду категорияи васеи сармоягузорӣ маблағгузорӣ карда мешаванд:

• сармоягузорӣ ба технологияҳои стандартии қаблан тасдиқшуда, самаранокиашон баланд ва аз ҷиҳати экологӣ тоза, ки дар руйхати Селектори технологияҳои сабз ҳастанд,
• лоиҳаҳои мураккаби сармоягузорӣ, ки боиси баланд бардоштани самаранокии энергия, сарфаи об ва дигар захираҳо мебошанд ва инчунин ба муҳити зист таъсири мусбӣ мерасонанд, ки он аз тарафи мутахассисони GEFF мусбӣ арзёбӣ карда шудааст.

Маблағгузорӣ аз рӯи меъёрҳои муқарраршудаи ҳар як Шарики молиявӣ амалӣ карда мешавад. 

Намунаҳои технологияҳои қобили қабул, ки меъёрҳои асосии мувофиқатро дар бар мегиранд, аммо маҳдуд намекунанд:

• Техникаи каммасрафи маишӣ (класси А+ ё баландтар)
• Обгармкунакҳо (класси C ё баландтар)
• Дегҳо бо биомасса (самаранокиашон на камтар аз 81%)
• Лампаҳои каммасраф LED (самаранокиашон на камтар аз 66,9 лм/В)
• Изолятсия – гарминигоҳдорӣ (ғафсӣ на камтар аз 50 мм)
• Панелҳои офтобӣ (самаранокиашон на камтар аз 14%)
• Обгармкунакҳои офтобӣ (самаранокиашон на камтар аз 75%)
• Ивази таҷҳизоти кӯҳна бо нав (бо назардошти баҳодиҳӣ – сарфаи барқ ​​ё об на камтар аз 20%)
• Ҷамъоварӣ ва захираи оби борон (васлкунанда)

Селектори технологияҳои сабз ин рӯйхати кушода буда, илова кардани технологияҳои нав ройгон мебошад. Агар Шумо ягон технологияро донед, ки ба ин меъёрҳои техникӣ ҷавобгӯ мебошанду дар ин руйхат нестанд, Шумо метавонед онро дар ин ҷо илова кунед.

Қарзҳои махсус

Ташкилотҳои молиявӣ метавонанд GEFF-ро барои таҳияи қарзҳои махсуси худ дар асоси Селектори технологияҳо ё хизматҳои баҳодиҳӣ истифода баранд. Барои гирифтани маълумоти бештар дар бораи шарикони молиявӣ ва қарзҳои онҳо инҷоро пахш кунед.

Вобаста аз намуди фаъолияти Шумо ва ё хонавода, шояд меъёрҳои мувофиқати махсус талаб карда шаванд. Барои гирифтани маълумоти иловагӣ лутфан бо гурӯҳи мутахассисони GEFF тамос гиред.