Programi Kreditor për Financimin e Ekonomisë së Gjelbër (GEFF) organizoi takimin e parë në Tiranë me tregtarët që ofrojnë teknologji dhe materiale të efiçiencës së energjisë dhe energjive të ripërtëritshme në Shqipëri.
Banka Europiane për Rindërtim dhe Zhvillim (BERZH) ka dedikuar 9 milionë Euro për ta bërë Shqipërinë një vend më të gjelbërt nëpërmjet GEFF. Takimi i parë me tregtarët në Shqipëri u organizua me qëllim që të prezantohet programi dhe të vendoset një bashkëpunim i fuqishëm mes aktorëve kryesorë.
Qëllimi kryesor i EBRD GEFF është të ndihmojë familjet që të rrisin nivelin e efiçiencës energjetike, duke reduktuar emetimet e CO2 (dioksid karboni) dhe duke përmirësuar komoditetin e jetës. Në këtë përpjekje sfiduese, partnerët kryesorë të EBRD GEFF janë tregtarët e regjistruar në Selektorin e Teknologjisë dhe Institucionet Financiare Partnere – Union Bank dhe Fondi Besa. Tregtarët e regjistruar në Selektorin e Teknologjisë do t’i rrisin shitjet e kompanisë së tyre sepse fondet do të përdoren për të blerë teknologji eficiente nga ata.
Gjatë takimit, ekspertët e EBRD GEFF shpjeguan se si tregtarët mund të bëhen pjesë e programit, por gjithashtu se si ata mund të ndihmojnë klientët e tyre të printojnë Certifikatën e pranueshmërisë për produktet e tyre, kështu që blerjet bëhen shpejt, duke rezultuar në një qarkullim më të shpejtë për tregtarët . Ekipi i GEFF shpjegoi gjithashtu procesin se si klientët mund të aplikojnë për një grant që varion nga 15% deri në 20% të investimit të gjelbër.
Përfaqësuesit e Institucioneve Financiare gjithashtu morën pjesë në këtë takim. Ata paraqitën produktin e tyre të kredisë dhe njoftuan se do të jenë në dispozicion të familjeve në Shqipëri në fillim të pranverës të këtij viti. Të dy Institucionet i ftuan tregtarët të bashkëpunojnë me ta në mënyrë që blerjet e teknologjive të tyre të jenë më të arritshme për një numër më të madh të individëve. Ata theksuan se presin investime në efikasitetin e energjisë për të siguruar kushte më të mira jetese dhe për të kontribuar në krijimin e një mjedisi më të shëndetshëm për qytetarët shqiptarë.
EBRD GEFF në vijim do të takojë edhe bizneset në qytetet e tjera të Shqipërisë, për të përfshirë edhe rajonet e tjera të vendit në program.
Të gjitha kompanitë që ofrojnë produkte ose pajisje nga ndonjë nga kategoritë e mëposhtme janë të mirëpritur të bëhen pjesë e Selektorit të Teknologjisë, një katalog online i të gjitha këtyre produkteve:
Për ta regjistruar biznesin tuaj në Selektorin e Teknologjisë, kontaktoni ekipin e GEFF.
Programi për Financimin e Ekonomisë së Gjelbër operon përmes një rrjeti prej më shumë se 130 institucionesh financiare vendase në 26 shtete dhe rreth 4 miliardë euro financime nga BERZH. Kjo ka bërë të mundur që mbi 120,000 klientë të evitojnë emetimin e rreth 7 milionë tonë CO2 (dioksid karboni) më pak në vit.
Supported by
