Տեխնոլոգիաների ցանկից առցանց ընտրեք Ձեզ համար ընդունելի արդյունավետ տեխնոլոգիան կամ նյութը։

Արտադրողից ստացեք տեխնիկական բնութագիրը, որը հաստատում է դրա համապատասխանությունը արդյունավետության նվազագույն չափանիշներին, ինչպես նաև ստացեք տեղական շուկայում արտադրողի ներկայացուցչի կամ այլ գործընկերոջ կողմից տրամադրված նախնական հաշիվ-ապրանքագիրը:

Լրացրեք հայտը (հասանելի նաև մասնակից ֆինանսական կազմակերպության կայքում) և ներկայացրեք ֆինանսավորող կազմակերպության մասնաճյուղ Քայլ 1-ում ստացված փաստաթղթերի հետ միասին։

Ֆինանսավորող կազմակերպության մասնաճյուղը կգնահատի Ձեր վարկունակությունը, ապա կներկայացնի Ձեր հայտը՝ տեխնիկական արդյունավետության չափանիշներին համեմատելու համար։

Կհամեմատվի Ձեր ընտրած սարքավորման կամ նյութի համապատասխանությունը Տեխնոլոգիաների ցանկի չափանիշների հետ։

Առաջին քայլի հաջող ավարտից հետո, ֆինանսավորող մասնաճյուղը Ձեր ստորագրմանը կներկայացնի ֆինանսավորման պայմանագիրը։

Գումարը հասանելի կլինի պայմանագրի ստորագրումից հետո, հնարավորություն տալով կյանքի կոչել Ձեր արդյունավետ կանաչ ներդրումը։

Տեխնոլոգիաների ներդրման փուլում անհրաժեշտ է պահպանել ցանկացած գործարկման սերտիֆիկատ, երաշխիք կամ սպասարկման համաձայնագիր, ինչպես նաև գնմանը վերաբերող փաստաթղթերը, քանի որ դրանք պետք են գալու վերստուգման ժամանակ։

Երբ տեխնոլոգիան ներդրված է և գործում է նախատեսված ձևով, լրացրեք Վերստուգման հայտ և ներկայացրեք ֆինանսավորող մասնաճյուղ։

GEFF-ի թիմը կկազմակերպի վերստուգում, որպեսզի հաստատի տեխնոլոգիայի ներդրված լինելու և արդյունավետ գործելու փաստը (կարող է նաև անհրաժեշտ լինի փաստացի այցելություն և ստուգում)։

Վերստուգման հաջող ավարտից հետո, ֆինանսավորող մասնաճյուղը կտրամադրի Ձեր ներդրման համար որոշված պարգևավճարը, որը սովորաբար տրամադրվում է մեկ ամսվա ընթացքում։ Այնուհետև, տեխնոլոգիայի ներդրման Ձեր նախադեպը կգրանցվի, որպես GEFF-ի հաջողված պատմություններից մեկը։