Բեռնափոխադրող ընկերությունը կանաչ ներդրումների շնորհիվ ստեղծում է երկարաժամկետ արժեք

Նորանկախ Հայաստանում հիմնված և առաջատար բեռնափոխադրող ընկերություններից մեկը հանդիսացող ներդրումներ է կատարել բարձր արդյունավետության բեռնիչներ ձեռբերելու համար՝ գործընթացներն առավել արդյունավետ և ծախսարդյունավետ դարձնելու նպատակով:

Ապավենը հիմնադրվել է 1993թ.-ին՝ մարդասիրական օգնության բեռների առաքումը դեպի Հայաստան կազմակերպելու համար, այնուհետ, դարձել է առևտրային բիզնես և համարվում է երկրի ամենաճանաչված ընկերություններից մեկը: Ընկերությունը որոշեց ներդրումներ կատարել եվրոպական ամենահայտնի արտադրողներից երկու նոր բեռնիչներ ձեռք բերելու համար` կատարողականության մակարդակը բարձր պահելու, ինչպես նաև շահագործման ծախսերը կրճատելու նպատակով:

GEFF-ի լոկալ թիմը վերլուծեց ծրագիրը, գնահատեց էներգախնայողության ներուժը, ինչպես նաև ֆինանսական և տեխնիկական պարամետրերն ու ռիսկերը: 124,000 ԱՄՆ դոլարի ներդրումը թույլ տվեց ընկերությանը կրճատել դիզելային վառելիքի սպառումը տարեկան 239,000 ՄՎտժ-ով, ինչի արդյունքում ընկերությունը տարեկան կգրանցի 22.630 ԱՄՆ դոլարի խնայողություն: Սա նշանակում է, որ այդ խնայողության շնորվին ընկերությունը 6 տարվա ընթացքում կկարողանա մարել ներդրման ծախսերը, և կշարունակի լրացուցիչ եկամուտ ստանալ հետագա տարիների ընթացքում: Նոր սարքավորման ներդրման արդյունքում տարեկան 66 տոննայով կնվազեն CO2 արտանետումները՝ նպաստելով շրջակա միջավայրի վրա բեռնափոխադրման գործունեության բացասական ազդեցության նվազեցմանը:

«Այսպիսի ներդրումները հնարավորություն են տալիս կենտրոնանալու հաճախորդների կարիքների վրա՝ գործընթացների վրա կենտրոնանալու փոխարեն․ օպերացիոն օպտիմիզացիան մեր գործունեությունը դարձնում է երկարաժամկետում առավել արդյունավետ», կարծում է գործադիր տնօրեն Գագիկ Աղաջանյանը:

Ծրագրի իրականացմանն աջակցել են ԵՄ-ն ու Ավստրիայի Ֆինանսների նախարարությունը: