Էներգաարդյունավետ սարքավորումների ներդրման շնորհիվ պահածոյացված մրգերի և բանջարեղենի տեղական արտադրողը կարողանում է արտահանել իր արտադրանքը
«Վիլ Ֆուդ» ՍՊԸ մրգային և բանջարեղենային ավանդական պահածոների արտադրող է, որը հիմնադրվել է 2007թ. Կոտայքի մարզում: Հինգ տարվա ընթացքում ընկերությունն այնքան ամրապնդեց իր դիրքերը հայաստանյան շուկայում, որ սկսեց արտահանել իր արտադրանքը նաև Ռուսաստան, Ֆրանսիա և ԱՄՆ։
Այդ ժամանակներից ընկերությունը քայլեր է ձեռնարկել ընդլայնելու ոչ միայն տեսականին այլև արդիականացնելու սարքավորումները: Ներդրման դրական և բացասական կողմերը քննարկելուց հետո, ղեկավարությունը որոշել է դիմել լիզինգի համար և ձեռք բերել բարձրորակ բեռնիչ (HZM S25D): Ստանալով «Վիլ Ֆուդ» ՍՊԸ-ի հարցումը, GEFF-ի թիմը իրականացրել է նախագծի վերլուծություն և գնահատել է էներգիայի հնարավոր խնայողությունները:
Ձեռք բերված 27,347 ԱՄՆ դոլար արժողության նոր բեռնիչը հնարավորություն տվեց ընկերությանը նվազեցնել էներգիայի սպառումը տարեկան 161 ՄՎտ/ժ-ով, ինչը հանգեցրեց տարեկան 2,000 ժամ բարձր արդյունավետության աշխատանքին և նպաստեց տարեկան 43 տոննա CO2 արտանետումների կրճատմանը: 2,5 տոննա կշռող բեռնիչն առաջարկում է բարելավված շարժունակություն և շահագործում, այդպիսով ստեղծելով սննդամթերքի արտադրության համար ավելի մաքուր, անվտանգ և առողջ միջավայր:
«Էներգիայի գինը աճում է. հաշվի առնելով դա, մենք ցանկանում ենք մեր արտադրանքով մրցունակ լինել ինչպես տեղական, այնպես էլ արտասահմանյան շուկաներում: Մեր հաջորդ ներդրումը լինելու է սննդամթերքի վերամշակման էներգաարդյունավետ սարքավորմամ ձեռք բերումը` միաժամանակ ընդլայնելով արտադրանքի տեսականին»,- ասում է տնօրեն Արմեն Առաքելյանը:
Ծրագրի իրականացմանն աջակցել են Կանաչ Կլիմայի Հիմնադրամը (GCF) և Կլիմայի Ներդրումային Ֆոնդերը (CIF):
Supported by
